१३ बैशाख २०८०, बुधबार ०९:३३ बुधवार साप्ताहिक, नयाँबानेश्वर, काठमाण्डौं

दुर्गा प्रसाईलाई आयकर बुझाउन १५ दिनको ‘अल्टिमेटम’

१३ वैशाख, झापा । मेडिकल व्यवसायी दुर्गा प्रसाईलाई आन्तरिक राजस्व कार्यालय भद्रपुर झापाले १५ दिने अल्टिमेटम दिएको छ ।
प्रसाईले आयकर नबुझाएपछि राजस्व कार्यालयले १५ दिनभित्र बुझाउन अल्टिमेटम दिएको हो । प्रसाईले बीएण्डसी मेडिकल कलेजको आम्दानीको आयकर तिरेका छैनन् ।

पटक–पटक पत्राचार, फोन सम्पर्क तथा सङ्कलन भ्रमणका माध्यमबाट आयकर र मूल्यअभिवृद्धि कर दाखिला गर्न आग्रह गर्दा पनि सम्पर्कमा नआएपछि करदाताको नामसहित सार्वजनिक सूचना जारी गरिएको आन्तरिक राजस्व कार्यालय भद्रपुरले बताएको छ ।