२३ बैशाख २०८०, शनिबार ०६:१७ बुधवार साप्ताहिक, नयाँबानेश्वर, काठमाण्डौं

रुगटालाई पक्राउ नगरेको भन्दै चितवन बन्द

२३ वैशाख, चितवन । पोल्ट्री व्यावसायी शंकर कँडेलको आत्महत्या प्रकरणमा नाम जोडिएका प्रदीप रुगटा पक्राउ नपरेको भन्दै आज (शनिबार) चितवन बन्द गरिएको छ । शंकर कँडेल न्यायिक संघर्ष समितिले चितवन बन्द गरेको हो ।

पोल्ट्री व्यवसायी कँडेलले अनमोल फिड्सको आफ्नै कार्यालयमा मंगलबार झुण्डिएर आत्महत्या गरेका थिए । उनले लेखेको सुसाइड नोटमा फिड्सका ८५ प्रतिशत शेयर होल्डर प्रदीप रुगटा र कम्पनीका चार्टड एकाउन्टेन्ट जीवन रावलकै कारण आफूले आत्महत्या गरेको उल्लेख गरेका थिए ।

कँडेलको परिवारले दुवै जनाविरुद्ध आत्महत्या दुरुत्साहन मुद्दामा किटानी जाहेरी दिएको छ । जीवन भने पक्राउ परिसकेका छन् । कँडेल कांग्रेस चितवनका निवर्तमान कोषाध्यक्ष समेत हुन् । बन्दले राजमार्गमा ठूला सवारी साधन चल्न सकेका छैनन् । पश्चिमबाट आएका सवारी साधनलाई बन्दकर्ताले गैंडाकोटमा रोकेका छन् ।