तीन दलका शीर्ष नेताबीच संसदीय समितिको नेतृत्वमा सहमति
३१ वैशाख, काठमाडौं । प्रमुख तीन दलका शीर्ष नेताहरुबीच संसदीय सुनुवाई समितिको नेतृत्वमा सहमति जुटेको छ । आडज (आइतबार) प्रधानमन्त्रीको सरकारी निवास बालुवाटारमा बसेको नेपाली कांग्रेस, नेकपा एमाले र नेकपा माओवादी केन्द्रका शीर्ष नेताहरुको बैठकले संसदीय सुनुवाई समितिको नेतृत्वमा सहमति जुटाएका हुन् ।
आइतबारको बैठकमा कांग्रेसका सभापति शेरबहादुर देउवा, उपसभापति पूर्णबहादुर खड्का र प्रमुख सचेतक रमेश लेखक सहभागी भएका थिए । एमालेबाट अध्यक्ष केपी शर्मा ओली, सुवास नेम्वाङ र विष्णु पौडेल तथा नेकपा माओवादी केन्द्रबाट प्रधानमन्त्री पुष्पकमल दाहाल र प्रमुख सचेतक हितराज पाण्डे सहभागी थिए ।
बैठकमा सहभागी कांग्रेस संसदीय दलका प्रमुख सचेतक रमेश लेखकले तीन दलले संसदीय सुनुवाई समितिको नेतृत्वको तय गरेको जानकारी दिएपनि विस्तृत विवरण खुलाउनु भएको छैन् । बैठकमा सहभागी माओवादी केन्द्र संसदीय दलका प्रमुख सचेतक हितराज पाण्डेले पनि संसदीय सुनुवाई समितिको नेतृत्व तय गरिएको र अन्य समितिका सभापतिहरुको नामको टुंगो आइतबार नै लाग्ने जानकारी दिए ।
यसअघि सभामुख देवराज घिमिरेले तीन दिनभित्र संसदीय सुनुवाइ समितिको नेतृत्व टुंग्याउन आग्रह गरेपनि दलहरुले सहमति जुटाउन सकेका थिएनन् । सत्य निरूपण तथा मेलमिलाप सम्बन्धी विधेयकलाई छिट्टो टुंगोमा पुर्याउन संसदीय उपसमिति गठन गर्ने, संसदीय समितिहरूको नेतृत्व र प्रतिनिधित्व सहमतिका आधारमा गर्नेलगायतका विषयमा छलफल भएको थियो ।
सम्बन्धित समाचार
- सत्ता गठबन्धन फेरिएकै दिन नेप्से परिसूचक ११७.७० अंकले बृद्धि
- बालुवाटारमा नयाँ गठबन्धनको बैठक जारी
- दुई वर्ष प्रचण्ड नै प्रधानमन्त्री, त्यसपछि ओली
- बालुवाटारमा प्रचण्ड र ओलीबीच एक घण्टा वार्ता
- हङकङमा टी-२० सिरिज खेल्ने १४ सदस्यीय टिम घोषणा
- राष्ट्रियसभाका अध्यक्षसहित २० सांसदको पदावधि आजदेखि सकिने
- भ्रष्टाचारमा मुछिएका माओवादी नेता पुरीले दिए पदबाट राजीनामा
- फर्जी हाजिरी गरेर १ लाख तलबभत्ता लिने चार शिक्षकविरुद्ध भ्रष्टाचार मुद्दा
- स्कारपियोले मोटरसाइकललाई ठक्कर दिँदा २ युवकको मृत्यु
- चितवनमा जनतासँग एमाले कार्यक्रम शुरु
- त्रिकोणात्मक टी–२० सिरिजमा आज नेपाल र नामिबिया भिड्दै
- राष्ट्रिय सभा अध्यक्ष माओवादीकै हुन्छ : जनार्दन शर्मा
Leave a Reply