३१ असार २०८०, आईतवार १०:२१ बुधवार साप्ताहिक, नयाँबानेश्वर, काठमाण्डौं

ललिता निवास प्रकरणका १७ आरोपीलाई थप पाँच दिन थुनामा राख्न अनुमति

३१ असार,काठमाडौं । बालुवाटारस्थित ललिता निवास प्रकरणमा पक्राउ परेका १७ जनालाई थप पाँच दिन प्रहरीको थुनामा राख्न जिल्ला अदालत काठमाडौंले अनुमति दिएको छ ।

प्रहरीको सीआईबीले यो प्रकरणमा अनुसन्धान गरिरहेको छ । जिल्ला अदालतले प्रहरीको हिरासतमा राखी अनुसन्धान गर्न म्याद थप गरेको हो ।

यो प्रकरणमा सरकारका बहालवाला सचिव कृष्णबहादुर राउत र व्यवसायी मिनबहादुर गुरुङसहित १७ पक्राउ परेका छन् । यो प्रकणमा पक्राउ परेका राउत र गुरुङलगायतले सर्वोच्च अदालतमा आफूलाई गैरकानुनी थुनामा राखेको भन्दै रिट दायर गरेका छन् । सो रिटमाथि सर्वोच्चमा सुनुवाइ भइरहेको छ ।