३१ असार २०८०, आईतवार १४:३३ बुधवार साप्ताहिक, नयाँबानेश्वर, काठमाण्डौं

बंगलादेशसँगको मैत्रीपूर्ण खेलमा नेपाल विजयी

३१ असार,काठमाडौं । बंगलादेशसँगको दुई खेलको मैत्रीपूर्ण अन्तर्राष्ट्रिय फुटबल श्रृंखलाअन्तर्गत दोस्रो खेलमा नेपाली महिला राष्ट्रिय टोली विजयी भएको छ ।

नेपालले बंगलादेशलाई टाइब्रेकरमा ४–२ गोलअन्तरले हराएको हो । निर्धारित समयको खेल गोलरहित बराबरीमा सकिएपछि खेल टाइब्रेकरमा पुगेको थियो । योसँगै नेपालले दुई खेलको श्रृंखला जितेको छ । यसअघि घरेलु टोलीसँग भएको पहिलो खेलमा नेपालले १–१ गोलको बराबरी खेलेको थियो ।

ढाकाको कमलपुरस्थित वीरश्रेष्ठ शहिद सिपाही मोहम्मद मुस्तफा कमल स्टेडियममा भएको दोस्रो मैत्रीपूर्ण खेलको निर्धारित समय गोलरहित बराबरीमा सकिएपछि खेलको निर्णय सिधै टाइब्रेकरबाट लिइएको हो ।

टाइब्रेकरमा नेपालकी सावित्रा भण्डारी, हिरा भुजेल, दिपा शाही, अनिता केसीको प्रहारले पोष्टको जाली चुमाए । अञ्जना राना मगरको प्रहार बारमा लाग्दै बाहिरिएको थियो । बंगलादेशकी साम्सुनार र मोनिका चक्माको प्रहारले पोष्टको जाली चुम्दा मारिया मण्डा, सेइली अजिमको प्रहार गोलरक्षक अञ्जना रानामगरले बचाइन् ।