४ श्रावण २०८०, बिहीबार ०८:४७ बुधवार साप्ताहिक, नयाँबानेश्वर, काठमाण्डौं

विमानस्थलबाट बरामद सुनमा मेरो कुनै संलग्नता छैन, तस्करलाई चिन्दिनँ : दीपक मल्होत्रा

४ साउन,काठमाडौं । त्रिभुवन अन्तर्राष्ट्रिय विमानस्थलबाट बरामद गरिएको करिब १०० किलो सुन प्रकरणमा मुछिएका व्यवसायी दीपक मल्होत्राले आफ्नो कुनै संलग्नता नभएको बताएका छन् । आज (बिहीबार) दिउँसो पत्रकार सम्मेलन गर्दै उनले विमानस्थलमा बरामद सुनमा आफ्नो संलग्नता नभएको दावी गर्दै पुष्टि भए सजाय भोग्न तयार रहेको बताए ।

मल्होत्राले भने, सुन आयातमा म र मेरो परिवार संलग्न छैन । मेरो साझेदार कम्पनी पनि संलग्न नरहेको स्पष्ट पार्न चाहन्छु । मल्होत्राले आफू र आफ्नो परिवारले गरेको कारोबारको कर कानुनबमोजिम सरकारलाई तिरिरहेको उल्लेख गरे । उनले सुन ल्याउने गिरोहलाई बचाउनका लागि र घटना डाइभर्ट गर्न नियोजित रुपमा आफ्नो नाम जोडिएको हुनसक्ने आशंका गरे । उनले उक्त सुन तस्करीमा संलग्नहरुलाई आफूले नचिन्ने समेत बताएका छन् ।