१० श्रावण २०८०, बुधबार ११:२१ बुधवार साप्ताहिक, नयाँबानेश्वर, काठमाण्डौं

एमाले सांसदको अवरोधपछि संसद वैठक साउन १५ सम्म स्थगित

१० साउन,काठमाडौं । प्रतिनिधिसभा बैठक साउन १५ गतेसम्मका लागि स्थगित भएको छ । आज (बुधबार) को बैठकमा नेकपा (एमाले)ले अवरोध गरेपछि बैठक कार्यसूचीमै प्रवेश नगरी स्थगन भएको हो ।

सुन तस्करी काण्डमा गृहमन्त्री नारायणकाजी श्रेष्ठको संलग्नता रहेको भन्दै एमालेले उनको राजीनामा मागेको छ । साथै एमालेले उच्चस्तरीय संसदीय छानबिन समिति नबनेसम्म संसद् चल्न नदिने बताएको छ ।

एमालेका प्रमुख सचेतक पदम गिरीले छानबिन समिति नबनेसम्म एमालेले संसद् चल्न नदिने बताए । उनले भने, अहिलेको सुन सेटिङ बिग्रिँदा पक्राउ परेको हो । यसअघि ३३ पटक आएको छ । त्यसका लागि उच्चस्तरीय छानबिन समिति बनाउन माग गर्छु । गृहमन्त्रीदेखि तल्लो तहसम्म रहेकाहरुमाथि छानबिनका लागि रुलिङ होस् अन्यथा अघि बढ्न दिइँदैन ।