३ भाद्र २०८०, आईतवार ०६:४० बुधवार साप्ताहिक, नयाँबानेश्वर, काठमाण्डौं

सदन खुलाउन सभामुखले बोलाए प्रमुख सचेतकहरूको बैठक

३ भदौ, काठमाडौं । सदनको अवरोध खुलाउने विषयमा छलफल गर्न सभामुख देवराज घिमिरेले सत्तापक्ष र विपक्षी दलका प्रमुख सचेतकहरूलाई छलफलका लागि बोलाएका छन् ।

आज (आइतबार) बिहान ११ बजे सिंहदरबारस्थित सभामुखको कार्यकक्षमा छलफल सुरु हुने जनाइएको छ । बैठकमा सत्तापक्षबाट नेपाली कांग्रेस र नेकपा माओवादी केन्द्र तथा विपक्षी दलबाट नेकपा एमाले, राष्ट्रिय स्वतन्त्र पार्टी र राष्ट्रिय प्रजातन्त्र पार्टी सहभागी हुने तय भएको छ ।

आज दिउँसो १ बजे प्रतिनिधिसभाको बैठक बोलाइएको छ । एमालेको अवरोधका कारण संसदका दुवै सदनको बैठक चल्न सकेको छैन । सभामुखले सदन खुलाउन यसअघि पनि प्रयास गर्दै आए पनि सफल भएका छैनन् ।