३० कार्तिक २०८०, बिहीबार ०४:०२ बुधवार साप्ताहिक, नयाँबानेश्वर, काठमाण्डौं

विश्वकप छनोट : आज नेपाल र यूएई भिड्दै

३० कात्तिक, काठमाडौं । फिफा विश्वकप २०२६ को दोस्रो चरण र एएफसी एसियन कप छनोटका लागि आज नेपालले यूएईको सामना गर्दैछ । यूएईको घरेलु मैदानमा हुने खेल राति साढे ९ बजे सुरु हुनेछ ।

फिफा वरियतामा यूएई ६९ र नेपाल १ सय ७३ औं स्थानमा छ । नेपाली टोलीका गोलरक्षक तथा कप्तान किरण कुमार लिम्बु, डिफेन्डर रोहित चन्द र फरवार्ड अञ्जन विष्ट यूएईविरुद्धको खेलमा छन् ।

टोलीका अर्का डिफेन्डर अनन्त तामाङ भने प्रशिक्षणमा घाइते भएपछि यूएईविरुद्धको टोलीबाट बाहिर छन् । आजको खेलमा उनको अभाव खड्किन सक्ने छ ।

विश्वकप छनोटको पहिलो चरणको दोस्रो लेगमा लाओसलाई पराजित गर्दै नेपालले दोस्रो चरणमा स्थान पक्का गरेको थियो । नेपाल रहेको समूह एचमा यूएईसँगै बहराइन र यमन छन्। होम एण्ड अवेका आधारमा हुने खेलमा नेपालले सबै टोलीसँग समान २ खेल खेल्नेछ । समूहको शीर्ष २ मा रहने टोली विश्वकप छनोटको तेस्रो चरणमा प्रवेश गदा एएफसी एसियन कपमा समेत छनोट हुनेछन् ।