काठमाडौं । नेपाल मेडिकल काउन्सिलले विद्यार्थी भर्ना शुल्कबापत बुझाउनुपर्ने बक्यौता रकम नतिर्ने मेडिकल तथा डेन्टल कलेजहरूलाई कारबाही गर्ने चेतावनी दिएको छ।

काउन्सिलले शुक्रबार सूचना जारी गर्दै विभिन्न प्रतिष्ठानहरूले पटक–पटक ताकेता गरिए पनि अझै बक्यौता रकम नबुझाएको जनाएको छ।

सूचनाअनुसार सम्बन्धित कलेजहरूलाई २१ दिनभित्र अनिवार्य रूपमा बाँकी रकम बुझाउन निर्देशन दिइएको छ।

सो अवधिभित्र रकम नतिरेमा कडा कदम चालिने चेतावनी दिइएको छ। जसअन्तर्गत:

• सम्बन्धित कलेजका विद्यार्थीहरूको परीक्षा दर्ता रोक्का गरिने
• विदेशी नागरिक चिकित्सक तथा शिक्षकहरूको दर्ता समेत रोक्ने

काउन्सिलले नियम उल्लंघन गर्ने संस्थाहरूमाथि अब कुनै पनि छुट नदिने स्पष्ट संकेत दिएको छ।