२ बैशाख २०८३, बुधबार ११:१२ बुधवार साप्ताहिक, नयाँबानेश्वर, काठमाण्डौं

प्रियंका कार्कीको फिल्म ‘मास्टर्नी’ साउन २८ मा प्रदर्शनमा आउने

काठमाडौं — अभिनेत्री प्रियंका कार्की द्वारा निर्मित फिल्म ‘मास्टर्नी’ साउन २८ गतेदेखि प्रदर्शनमा आउने भएको छ। वितरण पक्षसँगको समन्वयपछि प्रदर्शन मिति तय गरिएको हो।

भारतीय निर्देशक शुभेन्दु घोष ले निर्देशन गरेको उक्त फिल्म क्राइम थ्रिलर तथा मर्डर मिस्ट्री कथामा आधारित रहेको छ। फिल्ममा प्रियंका कार्कीका साथै सरोज खनाल, प्रमोद अग्रहरी, आर्यन सिग्देल, अनुप विक्रम शाही, गौरी मल्ल लगायतका कलाकारहरूको अभिनय रहेको छ।

फिल्मको निर्माण प्रियंका कार्की, आयुष्मान जोशी, क्याबिनेट श्रेष्ठ र प्रणित कार्की ले गरेका हुन् भने सुरक्षासिंह मल्होत्रा कार्यकारी निर्माता रहेका छन्।

फिल्मको कथा स्वयं प्रियंका कार्कीले लेखेकी हुन्। लेखनमा शान बस्नेत ले पनि सहकार्य गरेका छन्, जसले संवाद लेखनमा समेत योगदान दिएका छन्।

क्राइम र रहस्यप्रधान कथावस्तु बोकेको ‘मास्टर्नी’ प्रति दर्शकमा उत्सुकता बढ्दो देखिएको छ।