२९ माघ २०७१, बिहीबार ०९:२७ बुधवार साप्ताहिक, नयाँबानेश्वर, काठमाण्डौं

टुरिजमद्वारा बाल मन्दिरलाई सहयोग

काठमाडौं । टुरिजम डेभलपमेन्ट बैंक लिमिटेडले नक्सालस्थित बाल मन्दिरका बालबालिकाका लागि खाद्यान्न र भाँडाकुँडा वितरण गरेको छ । उक्त बैंकले आफ्नो व्यावसायिक दौरानसँगै संस्थागत सामाजिक दायित्वसमेत निर्वाह गर्ने लक्ष्य लिएको हुँदा बाल मन्दिरका बालबालिकालाई सहयोग प्रदान गरेको बैंकले जनाएको छ ।
उक्त कार्यक्रममा बैंकका प्रमुख कार्यकारी अधिकृत महेश शर्मा ढकालले बाल मन्दिरका निमित्त सञ्चालक रमेश भूमिलाई उक्त सामग्रीहरू हस्तान्तरण गरेका थिए । यसैबीच, टुरिजम डेभलपमेन्ट बैंक लिमिटेडले संस्थागत सुशासनमा जोड दिई स्वच्छ व्यावसायिक वातावरण बनाउनेतर्फ अग्रसर भइरहेको पनि विज्ञप्तिमा उल्लेख गरिएको छ ।