१ माघ २०७१, बिहीबार ०५:१५ बुधवार साप्ताहिक, नयाँबानेश्वर, काठमाण्डौं

दौडिए गुरु–चेला

बज्रबाराही । उत्तरी मकवानपुरको थाहा नगरपालिकास्थित बज्रबाराही उच्च माविमा शिक्षक र विद्यार्थीहरूको दौड प्रतियोगिता सम्पन्न भएको छ । विद्यार्थीहरूको प्रतिस्पर्धामा कक्षा ६, ७, ८ र ९ का विद्यार्थीहरूले भाग लिएका थिए । त्यस्तै, शिक्षकहरूतर्फको प्रतिस्पर्धामा प्राचार्य विष्णु गिरीसहित भोजराज अर्याल, आत्मराम दाहाल, युवराज नेपाल, प्रमोदकुमार मण्डल, रामकुमार ढकाल, पूर्णबहादुर गोपाली, बालमुकुन्द सुवेदीलगायतले भाग लिनुभएको थियो ।
शिक्षकहरूको प्रतियोगितामा भोजराज अर्याल प्रथम, पूर्णबहादुर गोपाली द्वितीय र आत्माराम दाहाल तृतीय हुनुभएको छ भने विद्यार्थीहरूमा कक्षा ६ र ७ बाट छात्रअन्तर्गत पञ्चलाल स्याङ्तान प्रथम, सुनिल मोक्तान द्वितीय र मिठाइलाल श्रेष्ठ तृतीय भएका छन् । त्यस्तै, छात्राअन्तर्गत शान्ति माया तितुङ प्रथम, ममता तामाङ द्वितीय र बिनु माया थिङ तृतीय भएका छन् । कक्षा ८ र ९ बाट छात्रतर्फ अनिश बलामी प्रथम, प्रकाश गोपाली द्वितीय र राम महर्जन तृतीय भएका छन् भने छात्रातर्फ सिर्जना महर्जन प्रथम, अपेक्षा सुवेदी द्वितीय र सावित्री तितुङ तृतीय भएका छन् ।
प्रतियोगितामा विजयी सबैलाई प्राचार्य विष्णु गिरीले पुरस्कार वितरण गर्नुभएको थियो ।