१६ कार्तिक २०८०, बिहीबार ०२:५९ बुधवार साप्ताहिक, नयाँबानेश्वर, काठमाण्डौं

ओमानसँगको खेलमा नेपालले पहिले बलिङ गर्ने

१६ कात्तिक,काठमाडौं । आईसीसी टी-२० विश्वकप एसिया क्षेत्रको फाइनल छनोटमा नेपालले ओमानविरुद्ध पहिले बलिङ गर्ने भएको छ ।

त्रिवि क्रिकेट मैदानमा टस जितेर नेपालले बलिङ रोजेको हो । खेल अहिले बिहान ९ बजेबाट सुरु हुनेछ ।

यो खेललले समूह विजेता र उप-विजेता टुंगो लगाउने छ । समान दुई खेलमा ४ अंक भएपनि ओमान नेटरनरेटका कारण ओमान शीर्षस्थानमा छ । दुवै टोली समूह ए बाट सेमिफाइनलमा पुगेका छन् । समूह विजेताले समूह बी को उप-विजेतासँग सेमिफाइनल शुक्रवार खेल्नेछ ।

आजै हुने समूह एको अन्तिम खेलमा समूह मलेसिया र सिंगापुर प्रतिस्पर्धा गर्दैछन् । प्रतियोगिताबाट बाहिरिसकेका दुवैका लागि सुखद अन्त्य गर्ने मौका हो । आज नै युएई र हंङकङ तथा बहराइन र कुवेत पनि आमने सामने हुनेछन् । यो खेलपछि मात्र समूह बीबाट अन्तिम चारमा पुग्ने टिमको टुंगो लाग्नेछ ।