११ चैत्र २०७१, बुधबार १५:२६ बुधवार साप्ताहिक, नयाँबानेश्वर, काठमाण्डौं

हेरफेरसहित एमालेमा कार्यविभाजन

काठमाडौं । लामो विवादपछि व्यापक फेरबदल सहित एमालेमा रुपमा नेताहरुको कार्यविभाजन भएको छ । बुधबार दिनभर अध्यक्ष केपी ओलीको निवासमा बसेका बैठकले महासचिव पोखरेलले गरेको प्रस्तावमा हेरफेरसहित सन्तुलित बनाएको छ ।

सभासद्लाई अञ्चल इन्चार्जबाट हटाइएको भने मन्त्रीलाई प्रस्ताव गरिएका विभागहरु रोकिएका छन् । उपाध्यक्षमध्ये विद्या भण्डारीलाई पूर्वाञ्चल, अष्टलक्ष्मी शाक्यलाई मध्यमाञ्चल, युवराज ज्ञवालीलाई पश्चिमाञ्चल, वामदेव गौतमलाई मध्यपश्चिमाञ्चल र भीम रावललाई सुदूरपश्चिमाञ्चल प्रमुख बनाइएको छ ।
परिवर्तन अनुसार, महाकालीको इन्चार्जमा गणेश ठगृुन्नाको साटो रामकुमार ज्ञवाली, सेतीमा कर्ण थापाको साटो महेश्वर पाठक इन्चार्ज भएका छन् । सेतीमा गरिमा शाह सहइन्चार्ज बनेकी छन् । राप्तीमा भागवत विश्वासीको साटो खेममान खड्का इन्चार्ज बनेका छन् भने गुलावजंग शाह सहइन्चार्ज बनेका छन् । त्यसैगरी, वागमतीमा अरुण नेपाल इन्चार्ज र शेरबहादुर तामांग सहइन्चार्ज, नारायणीमा केदार न्यौपाने इन्चार्ज र विरोध खतिवडा सहइन्चार्ज भएका छन् ।
सम्पर्क विभागमा भानुभक्त ढकालको साटो छविलाल विश्वकर्मालाई इन्चार्ज बनाइएको छ भने ढकाललाई संगठन विभागको उपप्रमुख बनाइएको छ । त्यसैगरी, रघुजी पन्तलाई कानुन विभाग, गंगालाल तुलाधरलाई शिक्षा विभाग, प्रदीप नेपाललाई जलस्रोत विभाग, कर्ण थापालाई युवा विभाग, ठाकुर गैरेलाई इन्जिनियरिंग फाँटको जिम्मेवारी दिइएको छ ।