गल्ती महसुस गरेर पार्टीमा फर्कन ओलीलाई आग्रह
काठमाडौं । नेपाल कम्युनिस्ट पार्टी (नेकपा) का अध्यक्ष माधवकुमार नेपालले प्रधानमन्त्री केपी शर्मा ओलीले आफ्नो निरंकुश र तानाशाही प्रवृत्ति नसुधारे इतिहासको रछ्यानमा फ्याँकिने बताएका छन् । हिजो पोखरामा आयोजित गण्डकी प्रदेशस्तरीय अगुवा कार्यकर्ता भेलालाई सम्बोधन गर्ने क्रममा अध्यक्ष नेपालले केपी ओलीमा कम्युनिस्ट चरित्र र गुण नै नभएको उल्लेख गर्दै भने, ‘केपी ओलीले कुन दिन कम्युनिस्ट पार्टी त्यागेको समाचार सुन्न बेर छैन, उहाँमा कम्युनिस्ट चरित्र र गुण नै छैन ।’
अध्यक्ष नेपालले कम्युनिस्ट पार्र्टी गुट र व्यक्तिबाट चल्ने नभई विचार र सिद्धान्तबाट चल्ने उल्लेख गर्दै भने, ‘पार्टीमा बैठक नबस्ने, जनजीविकाको कुरा नै किन नहोस् छलफल हुनुपर्छ बहस हुनुपर्छ ।’ आफूले ओलीलाई पटकपटक प्रधानमन्त्री हुँदा पार्टी बैठकमा बस्न नभ्याउने भए आफूहरु छलफल र बहस गर्छौ भन्दा पनि नसुन्ने गरेको बताए । उनले केपी ओलीले सिकाएको संस्कारसमेत सर्वहारा संस्कार नभएर सामन्ती संस्कार भएको बताए । ‘उहाँलाई आलोचना, गुनासो र विरोध मन पर्दैन, आलोचना गर्ने मान्छे उहाँको दृष्टिकोणमा नकारात्मक हुन्छ,’ अध्यक्ष नेपालले भने ।
नेता नेपालले ओलीलाई प्रतिनिधिसभा विघटन निर्णय बेठिक भएको भनी स्विकार्न पनि आग्रह गरे । उनले भने, ‘प्रतिनिधिसभा विघटनको निर्णय बेठीक भयो भन्नुस्, कम्युनिस्ट आन्दोलनलाई निमिट्यान्न पार्न लाग्नुभएको छ । त्यसैले गल्ती महसुुस गरेर फर्कनुस् ।’
सम्बन्धित समाचार
- सत्ता गठबन्धन फेरिएकै दिन नेप्से परिसूचक ११७.७० अंकले बृद्धि
- बालुवाटारमा नयाँ गठबन्धनको बैठक जारी
- दुई वर्ष प्रचण्ड नै प्रधानमन्त्री, त्यसपछि ओली
- बालुवाटारमा प्रचण्ड र ओलीबीच एक घण्टा वार्ता
- हङकङमा टी-२० सिरिज खेल्ने १४ सदस्यीय टिम घोषणा
- राष्ट्रियसभाका अध्यक्षसहित २० सांसदको पदावधि आजदेखि सकिने
- भ्रष्टाचारमा मुछिएका माओवादी नेता पुरीले दिए पदबाट राजीनामा
- फर्जी हाजिरी गरेर १ लाख तलबभत्ता लिने चार शिक्षकविरुद्ध भ्रष्टाचार मुद्दा
- स्कारपियोले मोटरसाइकललाई ठक्कर दिँदा २ युवकको मृत्यु
- चितवनमा जनतासँग एमाले कार्यक्रम शुरु
- त्रिकोणात्मक टी–२० सिरिजमा आज नेपाल र नामिबिया भिड्दै
- राष्ट्रिय सभा अध्यक्ष माओवादीकै हुन्छ : जनार्दन शर्मा
Leave a Reply