२ चैत्र २०७७, सोमबार ०५:५६ बुधवार साप्ताहिक, नयाँबानेश्वर, काठमाण्डौं

को–को नेता सहभागी छन् धुम्वाराही वार्तामा ?

काठमाडौं । नेकपा एमालेको विवाद मिलाउन केपी शर्मा ओली र माधव नेपाल दुवै समूहबीच अहिले पार्टी कार्यालय धुम्वाराहीमा बैठक बसिरहेको छ । ओली र नेपालवीच चार महिनायता भेटसमेत भएको थिएन ।
विहान ११ बजेका लागि बोलाइएको बैठकमा प्रधानमन्त्री ओली सवा ११ बजे पुगेका थिए । प्रधानमन्त्री पुग्नासाथ छलफल शुरु भएको हो । वार्तामा ओली समूहबाट अध्यक्ष ओली सहित महासचिव ईश्वर पोखरेल,उपमहासचिव विष्णु पौडेल, सचिव प्रदिप ज्ञवाली र सुवास नेम्वाङ सहभागी छन् ।

त्यस्तै नेपाल समूहबाट नेपालसहितका नेताहरु भीम रावल,घनश्याम भुषाल, गोकर्ण विष्ट, सुरेन्द्र पाण्डे र रघुजी पन्त सहभागी छन् । नेपाल पक्षले आइतवारमात्रै ओलीविरुद्ध संयुक्त वक्तव्य जारी गर्दै कम्युनिस्ट आन्दोलन विसर्जन गर्न लागेको आरोप लगाएको थियो । साथै, यो समूहले बालुवाटारमा हुने कुनै बैठक तथा छलफलमा नजाने निर्णय गरेको थियो ।

पार्टी विभाजन हुन नदिन अध्यक्ष ओलीले अशन्तुष्ट पक्षलाई संवादका लागि बोलाएको निकट स्रोतले जनाएको छ । पुस ५ गते प्रतिनिधिसभा विघटनपछि विभाजित भएका नेताहरु एमाले ब्युँतिएपछि पहिलो पटक औपचारिक छलफलमा बसेका हुन् ।