१० श्रावण २०७८, आईतवार ०५:०५ बुधवार साप्ताहिक, नयाँबानेश्वर, काठमाण्डौं

चीनबाट आज थप आठ लाख डोज खोप आइपुग्दै

१० साउन काठमाडौं । चीनबाट कोरोना भाइरसविरुद्धको थप आठ लाख डोज भेरोसेल खोप आज आइतबार दिउँसो नेपाल आइपुग्दै छ ।
नेपाल एयरलाइन्सको वाइडबडी जहाज आठ लाख डोज खोप लिएर आज दिउँसो काठमाडौं आइपुग्ने व्यवस्थापन महाशाखा आपूर्ति शाखाका प्रमुख उपेन्द्र ढुङ्गानाले जानकारी दिए ।

यसअघि साउन ७ गते नेपाल एयरलाइन्सको जहाजले आठ लाख डोज खोप ल्याएकोे थियो । चीनबाट अबको तीन दिनभित्र २५ लाख खोप आउने स्वास्थ्य तथा जनसंख्या मन्त्रालयले जनाएको छ ।

सरकारले चीनसँग ४० लाख डोज भेरोसेल खोप खरीद गरेको छ । सोमध्ये असार २५ र साउन ७ गते आठ आठ लाख डोज गरी १६ लाख डोज खोप नेपाल आइसकेको छ । आजसहित २४ लाख खोप नेपाल आइपुग्ने छ । बाँकी आठ लाख डोज खोप लिन विमान पुनः बेइजिङ जाने जनाइएको छ ।

यसअघि चीनले १८ लाख खोप अनुदानमा दिएको थियो । प्रधानमन्त्री शेरबहादुर देउवासँगको भेटमा चिनियाँ राजदूरत होउ यान्छीले थप १६ लाख खोप अनुदानमा दिन लागेको बताएकी थिइन् ।