२ भाद्र २०७८, बुधबार ०८:०० बुधवार साप्ताहिक, नयाँबानेश्वर, काठमाण्डौं

राष्ट्रपतिद्धारा राजनीतिक दलसम्बन्धी अध्यादेश जारी, अब एमाले बिभाजन नजिक

२ भदौं, काठमाडौं । राष्ट्रपति विद्यादेवी भण्डारीले राजनीतिक दलसम्बन्धी अध्यादेश प्रमाणिकरण गरेकी छन् ।

हिजो बसेको मन्त्रिपरिषद् बैठकले सो अध्यादेश राष्ट्रपतिसमक्ष सिफारिस गर्ने निर्णय गरेको थियो । नेपालको संविधानको धारा ११४ को उपधारा १ बमोजिम सरकारको सिफारिसमा राष्ट्रपति भण्डारीले अध्यादेश प्रमाणिकरण गरेको राष्ट्रपति कार्यालय स्रोतले जनाएको छ । अध्यादेश केहीबेरमा जारी हुनेछ ।

राजनीतिक दलसम्बन्धी ऐन संशोधन गर्न जारी गरिएको अध्यादेशमा पार्टी केन्द्रीय समिति वा संसदीय दलमध्ये एउटामा २० प्रतिशत मत पु¥याएमा दल विभाजन गर्न सकिने व्यवस्था छ ।

यसैवीच, अध्यदेश जारी भएसँगै नेकपा एमाले आजै औपचारिकरुपमा विभाजन हुने निश्चत जस्तै भएको छ । एमालेका वरिष्ठ नेता माधवकुमार नेपाल समूहले नयाँ दल दर्ता लागि सबै तयारी पूरा गरेको छ । अहिले नेपाल समूह बानेश्वरस्थित अर्याल होटेलमा निर्णायक बैठकका लागि भेला भएका छन् ।

नयाँ पार्टीको नामका लागि नेकपा एमाले (समाजवादी), नेकपा एमाले (जनवादी), नेकपा (एकीकृत) सहितका विकल्प तयार छन् ।