९ भाद्र २०७८, बुधबार ०३:०२ बुधवार साप्ताहिक, नयाँबानेश्वर, काठमाण्डौं

नेपाल र ठाकुरको दल दर्ता आज

९ भदौं, काठमाडौं । नयाँ दल दर्ताका लागि निवेदन दिएका नेकपा (एकीकृत समाजवादी) र लोकतान्त्रिक समाजवादी पार्टी (लोसपा) का नेताहरु सनाखतका लागि आज निर्वाचन आयोग जाँदैछन् ।

यसअघि आयोगले दल दर्ताका लागि उनीहरुलाई बुधबार सनाखतका लागि बोलाएको थियो।

आयोगले दुबै दललाई सनाखतका लागि साढे २ घण्टा समय निर्धारण गरेको छ । विहान ११ः३० देखि दिउँसो २ः०० बजेसम्म आयोगमा गएर नेताहरुले सनाखत गर्नुपर्नेछ ।

तोकिएको निर्धारित समयभित्र सनाखत गर्नुपर्ने आयोगका प्रवक्ता राजकुमार श्रेष्ठले जानकारी दिएका छन् । माधवकुमार नेपाल नेतृत्वको प्रस्तावित नेकपा (एकीकृत समाजवादी) र महन्थ ठाकुर नेतृत्वको लोकतान्त्रिक समाजवादी पार्टीले नयाँ दल दर्ताका लागि आयोगमा निवेदन दिएका थिए ।

सरकारले दल विभाजनका लागि सहज हुनेगरी अध्यादेश ल्याएपछि दुबै दललाई नयाँ पार्टी गठनका लागि बाटो खुलेको हो ।

दल दर्ताको सनाखतका लागि नेपाल समूहका नेताहरु आज चन्द्रागिरी रिर्सोटबाट सिधै आयोग जादैछन् । सो समूहका केन्द्रीय सदस्य तथा सांसदहरु सोमबारदेखि नै चन्द्रागिरीमा जम्मा भएर बसेका छन् ।