१० भाद्र २०७८, बिहीबार १४:१३ बुधवार साप्ताहिक, नयाँबानेश्वर, काठमाण्डौं

ओली र नेपालको एकैदिन एउटै बोली

१० भदौं, काठमाडौं । नेकपा (एमाले) का अध्यक्ष केपी शर्मा ओली र एमालेबाट विभिाजित भई हिजोमात्रै गठन भएको नयाँ पार्टी नेकपा (समाजवादीका) का अध्यक्ष माधवकुमार नेपालले आज एकै दिन फरक फरक मंचमा एउटै धारणा सार्वजानिक गरेका छन् ।

पार्टीको केन्द्रिय कमिटीको बैठकलाई सम्बोधन गर्दै एमाले अध्यक्ष ओलीले आफूलाई सरकारबाट हटाउन मुख्य भुमिका माधव नेपालको रहेको बताए । आफूलाई हटाउनमा माओवादी अध्यक्ष पुष्पकमल दाहालको सहयोगी भुमिका मात्र रहेको उल्लेख गर्दै अध्यक्ष ओलीले भने, प्रचण्डलाई उचाल्ने, उमाले सरकार ढाल्ने सबै काम माधवले गरेका हुन् ।

तुलसीलाल स्मृति प्रतिष्ठानमा अध्यक्ष ओलीले यसो भनिरहँदा उता नयाँ पार्टी गठनपछिको पहिलो पत्रकार सम्मेलनलाई सम्बोधन गर्दै नेकपा (समाजवादी) का अध्यक्ष नेपालले पनि ओलीको सो भनाईलाई पुष्टी गरे ।

सो पत्रकार सम्मेलनमा नेपालले ओली सरकार ढाल्ने जिम्मा आफूले पाएको सार्वजानिक अभिव्यक्ति दिएका थिए ।

‘माधवले पार्टी नै फुटाउलान् भन्ने लागेको थिएन’: ओली

केन्द्रिय कमिटी बैठकलाई सम्बोधन गर्दै एमाले अध्यक्ष ओलीले आफूलाई माधव नेपालले पार्टी नै फुटाई हाल्छन भन्ने लाग्दै नलागेको बताए । उनले भने, ‘गत बैशाख देखि अब के हुने हो भन्ने चाहिँ लागेको थियो तर पार्टी नै विभाजन गर्छन् भन्ने कल्पना नै गरेको थिईन ।’