१६ भाद्र २०७८, बुधबार ०३:५२ बुधवार साप्ताहिक, नयाँबानेश्वर, काठमाण्डौं

वागमतीका सामाजिक विकासमन्त्री खनालले दिए राजीनामा

१६ भदौं, हेटौंडा । वागमती प्रदेशका सामाजिक विकासमन्त्री कृष्ण शर्मा खनालले पदबाट राजीनामा दिएका छन् । एमाले नेतृ अष्टलक्ष्मी शाक्यको नेतृत्वमा सरकार गठन भएकै दिन मन्त्री बनेका खनालले आज (बुधबार) बिहान पदबाट राजीनामा दिएका हुन् ।

मंगलबार उनले औपचारिक रुपमा वाग्गती प्रदेश निर्वाचन आयोगको कार्यालय हेटौंडामा उपस्थित भएर नव गठित नेकपा (एस) पार्टी रोज्दै सनाखत गरेका थिए । उनले भने, मैले अर्कै दल रोजेकाले काम गर्न सजिलो होस् भनेर मन्त्री पदबाट राजीनामा गरेको हुँ ।

खनालले मन्त्री बन्नुअघि नै मुख्यमन्त्री शाक्यलाई आफू माधव नेपाल समूह नछाड्ने जानकारी गराएका थिए । खनाल नेकपा (एस) का केन्द्रीय सदस्य समेत हुन् ।