१६ भाद्र २०७८, बुधबार १४:०९ बुधवार साप्ताहिक, नयाँबानेश्वर, काठमाण्डौं

सहसचिव श्रेष्ठको सचिवमा बढुवा, अर्याल र वली बने सहसचिव

१६भदौ, काठमाडौं । सरकारले सहसचिव राजकुमार श्रेष्ठलाई सचिवमा बढुवा गर्ने निर्णय गरेको छ । आज बसेको मन्त्रीपरिषद् बैठकले बढुवा समितिबाट सिफारिस भएर आएका तीन सहसचिवमध्ये श्रेष्ठको बढुवा गरेको हो ।

लोकसेवा आयोगका अध्यक्ष माधवप्रसाद रेग्मीको अध्यक्षतामा गत बिहीबार बसेको बढुवा सिफारिस समितिको बैठकले सहसचिव श्रेष्ठसहित रवीलाल पन्थ र रामेश्वर दंगालको नाम सिफारिस गरेको थियो । श्रेष्ठ हाल निर्वाचन आयोगको प्रवक्ताको समेत जिम्मेवारीमा छन् ।

मन्त्रीपपरिषद् बैठकले नेपाल परराष्ट्र सेवाका दुई उपसचिवलाई सहसचिवमा बढुवा गर्ने निर्णय समेत गरेको छ । बढुवा हुनेमा उपसचिवहरु कृष्णचन्द्र अर्याल र धनबहादुर वली रहेका छन् ।