१७ भाद्र २०७८, बिहीबार १३:३३ बुधवार साप्ताहिक, नयाँबानेश्वर, काठमाण्डौं

प्रधानमन्त्रीले झलनाथ खनाललाई भेटेर दिए स्वास्थ्य लाभको कामना

१७ भदौं, काठमाडौं । प्रधानमन्त्री शेरबहादुर देउवाले नेकपा (एकीकृत समाजवादी) का वरिष्ठ नेता झलनाथ खनाललाई उनकै निवास डल्लु पुगेर भेटेका छन् । भारतको राजधानी नयाँ दिल्लीमा मिर्गौला प्रत्यारोपण गरेर फर्किएका खनालको स्वास्थ्य अवस्था बुझ्न देउवा डल्लु पुगेका हुन् ।

उनले खनालको स्वास्थ्यमा निकै सुधार भइरहेको पनि बताएका छन् । देउवाले खनालको पूर्ण स्वास्थ्य लाभको कामना पनि गरेका छन् ।
यसअघि सत्ता साझेदार नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले पनि खनाललाई भेटिसकेका छन् ।