१९ भाद्र २०७८, शनिबार १४:१५ बुधवार साप्ताहिक, नयाँबानेश्वर, काठमाण्डौं

नेपाल–चीन सीमाबारे अध्ययन गर्न सरकारले बनायो समिति

१९ भदौं, काठमाडौं । हुम्लाको नाम्खामा ‘विवादित’ नेपाल–चीन सीमाबारे अध्ययन गर्न सरकारले सहसचिव जयनारायण आचार्यको संयोजकत्वमा समिति गठन गरेको छ ।

नाम्खा गाउँपालिका–५ र ६ स्थित नेपाल–चीन सीमा अध्ययन गर्न गृह मन्त्रालयद्वारा गठित समितिमा नेपाल प्रहरी, सशस्त्र प्रहरी र नापी विभागका अधिकारी सदस्य रहने छन् । समितिमा रहने सदस्यको नाम पठाउन नेपाल प्रहरी, सशस्त्र र नापी विभागलाई पत्राचार गरिएको गृह स्रोतले जानकारी दिएको छ ।

यही भदौ १६ गते बसेको मन्त्रिपरिषद् बैठकको निर्णयानुसार ‘चीनसँगको सीमा समस्या’ अध्ययन समिति बनाइएको हो । तर नेपालस्थित चिनियाँ दूतावासले शुक्रबार नेपालसँग सीमा विवाद नरहेको दाबी गरेको थियो ।