२१ भाद्र २०७८, सोमबार ०९:४१ बुधवार साप्ताहिक, नयाँबानेश्वर, काठमाण्डौं

सुदूरपश्चिममा नेकपा (एकीकृत समाजवादी) बन्यो सबैभन्दा ठूलो दल

२१,भदौ काठमाण्डौ । सुदूरपश्चिम प्रदेश सभामा नवगठित नेकपा (एकीकृत समाजवादी) सबैभन्दा ठूलो दल बनेको छ।

सोमबार थप एक जना सांसदले नेकपा (एमाले) छोडेर एकीकृत समाजवादीका पक्षमा सनाखत गरेकी छन्। प्रदेश सांसद सुशीला बुढाथोकीका अनुसार सोमबार माया तामाङ बोहोराले एमाले छोडेर एकीकृत समाजवादीका पक्षमा सनाखत गरेकी हुन्।

योसँगै एकीकृत समाजवादीका पक्षमा १४ सांसद पुगेका छन्। ५२ सदस्यीय प्रदेश सभामा यसअघि एमालेका सभामुखसहित २५ जना सांसद थिए। पार्टी विभाजन भएपछि एमालेमा ११ जना सांसदमात्र बाँकी रहेका छन्।

प्रदेश सभामा अब माओवादी केन्द्र दोस्रो ठूलो दल बनेको छ। प्रदेश सरकार चलाइरहेको माओवादीका १३ जना सांसद छन्। नेपाली कांग्रेसका १२ जना सांसद छन् भने जनता समाजवादी पार्टीका २ जना सांसद छन्।