२१ भाद्र २०७८, सोमबार १३:०८ बुधवार साप्ताहिक, नयाँबानेश्वर, काठमाण्डौं

अग्नि सापकोटाप्रति ओलीको आक्रोश : तपाई सभामुख हो कि गठबन्धनको प्यादा ?

२१ भदौं, काठमाडौं । प्रमुख प्रतिपक्षी नेकपा एमालेका अध्यक्ष केपी शर्मा ओलीले सभामुख अग्निप्रसाद सापकोटाप्रति आक्रोश व्यक्त गरेका छन् । आज (सोमबार) युवा संघको कार्यक्रममा उनले आगामी संसद्को बैठकमा सभामुखमाथि प्रश्न गरिने बताए ।

पर्सी संसद शुरु हुँदैछ । हामीले सोध्नै पर्ने हुन्छ सभामुखलाई, सभामुख हो कि कुनै पार्टीको कार्यकर्ता र गठबन्धनको मतियार हो कि एमालेविरुद्धको साँटगाठकर्ता ? जालीझेली काम गर्ने एउटा मोहोरा हो कि रु के हो सभामुख भन्या ?, उनले प्रश्न गरे ।

उनले सभामुखलाई प्रमुख प्रतिपक्षी फुटाउन षड्यन्त्रको हिस्सेदार र षड्यन्त्रको अङ्ग भएको आरोप पनि लगाए । ‘अग्निप्रसाद सापकोटा सभामुख हो कि, गठबन्धनको प्यादा हो ? एमालेविरुद्ध षड्यन्त्र गर्ने अखडा हो ? हामीले सोध्नै पर्ने हुन्छ’, उनले भने ।
कार्यक्रममा ओलीले पार्टी छाडेकाहरूले सरकार बनाउन नसक्ने दाबी पनि गरे ।

पार्टी छोडेका लोभीपापीहरू अब सरकार बनाउन सक्दैनन् । छलि काम गरेर ल्याएको २० प्रतिशतको अध्यादेश टुंग्याई दिने रे !’, ओलीले भने । उनले जालझेल गरेर राति १२ बजे अध्यादेश ल्याएको पनि बताए । उनले निर्वाचन आयोगमा सेटिङ गरेर अध्यादेश नल्याउँदै नियमावली संशोधन थालेको पनि आरोप लगाए ।