२२ भाद्र २०७८, मंगलवार ०८:३९ बुधवार साप्ताहिक, नयाँबानेश्वर, काठमाण्डौं

काठमाडौंका प्रमुख जिल्ला अधिकारी फेरिए

काठमाडौं, २२ भदौं । काठमाडौंका प्रमुख जिल्ला अधिकारी कालीप्रसाद पराजुलीको सरुवा भएको छ । गृह मन्त्रालयले आज (मंगलबार) प्रजिअ पराजुलीलाई हटाएर उनको ठाउँमा सहसचिव गोविन्दप्रसाद रिजाललाई प्रजिअको जिम्मा दिएको हो ।

पराजुली पूर्व प्रधानमन्त्री केपी शर्मा ओली निकट मानिन्थे । पराजुलीलाई गृह मन्त्रालयको प्रशासन महाशाखामा सरुवा गरिएको गृह मन्त्रालयका एक उच्च अधिकारीले जानकारी दिए ।