२३ भाद्र २०७८, बुधबार ०३:१७ बुधवार साप्ताहिक, नयाँबानेश्वर, काठमाण्डौं

नेकपा (एकीकृत समाजवादी) को संसदीय दलको पहिलो बैठक आज बस्दै

२३ भदौं, काठमाडौं । नेकपा (एकीकृत समाजवादी) को संसदीय दलको बैठक आज (बुधबार) बस्दै छ । नयाँ बानेश्वरस्थित संसद् भवनको शंकर हलमा बुधबार २ बजे बैठक बस्न लागेको हो ।

बुधबार ४ बजे शुरु हुने प्रतिनिधि र राष्ट्रिय सभा गरी दुवै संसद्को बैठकमा रणनीति बनाउन बैठक बस्न लागेको नेता जीवनराम श्रेष्ठले जानकारी दिए । एमाले विभाजनपछि बनेको एकीकृत समाजवादी पहिलो पटक संसद्को बैठकमा सहभागी हुँदैछ ।

योबीचमा एकीकृत समाजवादी संसदीय दलको नेतामा माधवकुमार नेपाल चयन भएका छन् । एमाले विभाजन भएर बनेको एकीकृत समाजवादी संसदको चौथो ठूला दलका रुपमा उदाएको छ । उक्त पार्टीसँग प्रतिनिधिसभामा २३ र राष्ट्रिय सभामा ८ जना सांसद छन् ।