२ आश्विन २०७८, शनिबार १३:४८ बुधवार साप्ताहिक, नयाँबानेश्वर, काठमाण्डौं

अनेरास्वबियुको २३ औं महाधिवेशन चैत २४-२६ मा गर्ने निर्णय

२ असोज, ललितपुर । एमाले निकट विद्यार्थी संगठन अनेरास्वबियुको २३ औं महाधिवेशन आगामी चैतमा हुने भएको छ । शनिबार ललितपुरको च्यासलस्थित तुलसीलाल अमात्य प्रतिष्ठानमा भएको केन्द्रीय सचिवालयको बैठकले चैत २४ देखि २६ सम्म महाधिवेशन गर्ने निर्णय गरेको हो ।

महाधिवेशन सम्मका लागि सुनिता बराल अध्यक्ष, आरसी लामिछाने वरिष्ठ उपाध्यक्ष र समीप बराल महासचिव रहने गरी केन्द्रीय कमिटी पुनर्गठन गरिएको छ ।

पाँचवर्षदेखि अनेरास्वबियुको महाधिवेशन भएको छैन । अनेरास्वबियु केन्द्रीय सचिवालय बैठकमा एमाले अध्यक्ष केपी शर्मा ओली, विद्यार्थी इन्चार्ज खिमलाल भट्टराई, अनेरास्वबियुका पूर्वअध्यक्ष माधव ढुंगेल लगायतले सम्बोधन गरेका छन् ।

यही बैठकबाट अनेरास्वबियु अध्यक्ष ऐन महर, उपाध्यक्ष रस्मी आचार्य, महेश बर्तौला र शैलेश लामा संगठनबाट बिदा भएका छन् ।