२१ आश्विन २०७८, बिहीबार ०३:०२ बुधवार साप्ताहिक, नयाँबानेश्वर, काठमाण्डौं

सानेपामा अनसनरत कांग्रेस कार्यकर्तालाई प्रहरीले उठाएर लग्यो

२१ असोज , काठमाडौं । क्रियाशील सदस्यता विवाद मिलाउन माग गर्दै पार्टीको केन्द्रीय कार्यालय (सानेपा) मा आमरण अनसनमा बसेका नेपाली कांग्रेसका कार्यकर्ता रामगोविन्द यादवलाई प्रहरीले नियन्त्रणमा लिएको छ ।

उनलाई बुधबार अनशनस्थलबाट उठाएर प्रहरीले वीर अस्पतालमा लगेको छ । कांग्रेसको पदाधिकारी बैठकमा प्रधानमन्त्री समेत रहेका पार्टी सभापति शेरबहादुर देउवाले अनसन तोड्न पहल गर्ने बताएको केहीबेरमै प्रहरीले यादवलाई उठाएर वीर अस्पताल लगेको हो । देउवाकै निर्देशनपछि प्रहरीले यादवलाई अस्पताल लगेको कांग्रेसका एक नेताको आरोप छ ।