६ मंसिर २०७८, सोमबार ०७:३६ बुधवार साप्ताहिक, नयाँबानेश्वर, काठमाण्डौं

चिनियाँ कम्युनिस्ट पार्टीले नेपाललगायत विभिन्न मुलुकका कम्युनिस्ट पार्टीसँग अन्तर्क्रिया गर्दै

६ मंसिर , काठमाडौं । चिनियाँ कम्युनिष्ट पार्टीले आज नेपाललगायत बिभिन्न देशका कम्युनिष्ट पार्टीसँग अन्तरक्रिया गर्ने भएको छ । भर्चुअल माध्यमबाट हुने बैठकमा नेपालबाट नेपाल कम्युनिष्ट पार्टी माओवादी केन्द्र, एकीकृत समाजवादी र विप्लव नेतृत्वको नेपाल कम्युनिष्ट पार्टीलगायत सहभागी हुने भएका छन् । बैठक नेपाली समयअनुसार दिउँसो सवा १ बजे शुरु हुने जनाइएको छ ।

एकीकृत समाजवादीका बिदेश बिभाग सदस्य मिलन राज तुलाधरले चिनियाँ कम्युनिष्ट पार्टीको हालै सम्पन्न १९ औं केन्द्रीय समितिको छैटौं सत्रले गरेका निर्णयबारे जानकारी दिने उद्देश्यले उक्त बैठक आयोजना गरिएको जानकारी दिए ।

एकीकृत समाजवादीका अध्यक्ष माधवकुमार नेपाल भर्चुअल बैठकमा सहभागी हुनेछन् उनले बताए । ‘नेपाल, श्रीलंकालगायत विभिन्न मुलुकका कम्युनिष्ट पार्टी भर्चुअल बैठकमा सहभागी हुने जानकारी पाएका छौं’ तुलाधरले सुनाए । चिनियाँ कम्युनिष्ट पार्टीका तर्फबाट विदेश विभाग प्रमुख सङ् थाओले बैठकमा बोल्ने छन् ।