१६ मंसिर २०७८, बिहीबार १३:५२ बुधवार साप्ताहिक, नयाँबानेश्वर, काठमाण्डौं

राष्ट्रपतिद्वारा मंसिर २८ गते संसद अधिवेशन आह्वान

१६ मंसिर, काठमाडौं । संघीय संसदको दुवै सदनको अधिवेशन आह्वान भएको छ । राष्ट्रपति विद्यादेवी भण्डारीले मंसिर २८ गते मङ्गलबारका दिउँसो २ बजेका दुवै सदनको बैठक आह्वान गरेकी हुन् ।

उनले नेपालको संविधानको धारा ९३ को उपधारा (१) बमोजिम नेपाल सरकार मन्त्रिपरिषद्को सिफारिसमा सम्वत् अधिवेशन आह्वान गरेको राष्ट्रपतिको कार्यालयले जनाएको छ ।

राष्ट्रपतिले संविधानको धारा ९३ को उपधारा १ बमोजिम बैठक आह्वान गरेको पनि विज्ञप्तिमा उल्लेख छ । राष्ट्रपतिले सरकारकै सिफारिसमा बुधबार मात्रै रेल्वेसम्बन्धीसहित ६ अध्यादेश जारी गरेकी थिइन् । संसदलाई छल्दै अध्यादेश ल्याउने गरेको भन्दै सरकारको आलोचना समेत हुने गरेको छ ।