२८ पुष २०७८, बुधबार ११:२४ बुधवार साप्ताहिक, नयाँबानेश्वर, काठमाण्डौं

चौधरी ग्रुपलाई एनबी बैंकको ४१ प्रतिशत शेयर नबेच्न अदालतको आदेश

२८ पुस, काठमाडौं । बंगलादेशको आईएफआईसी बैंकको स्वामित्वमा रहेको ४०.९० प्रतिशत शेयर खरिद प्रक्रिया अघि नबढाउन जिल्ला अदालतले आदेश दिएको छ ।

विपक्षीबाट लिखित जवाफ प्राप्त नभएसम्म सो शेयर अन्य व्यक्तिलाई बिक्री गर्ने कार्य नगर्नु/नगराउनु भनी विपक्षीहरुका नाममा आदेश जारी गरिएको छ ।

उजुरी निवेदन बमोजिम आदेश किन जारी हुनु नपर्ने हो भनी ७ दिनभित्र लिखित जवाफ पेस गर्न विपक्षीहरुका नाममा म्याद जारी गरी लिखित जवाफ प्राप्त भए वा म्याद नाघेपछि नियमानूसार पेश गर्नू’ आदेशमा भनिएको छ ।

न्यायाधीश रामचन्द्र पौडेलको एकल इजलासले यस्तो आदेश दिएको हो । सनराइज बैंकका अध्यक्ष समेत रहेका एमभी ग्रुपका अध्यक्ष मोतीलाल दुगडले ९ महिनाअघि आफूहरुलाई शेयर बिक्री गर्ने सम्झौता गरेर फेरि चौधरी ग्रुपलाई बेच्ने सम्झौता गरेको भन्दै अदालत पुगेका थिए ।