१४ माघ २०७८, शुक्रबार ०६:२१ बुधवार साप्ताहिक, नयाँबानेश्वर, काठमाण्डौं

आगामी निर्वाचनबारे देउवा, प्रचण्ड र नेपालबीच छलफल

१४ माघ, काठमाडौं । आगामी निर्वाचनका विषयमा प्रधानमन्त्री शेरबहादुर देउवा, माओवादी केन्द्रका अध्यक्ष प्रचण्ड र नेकपा एकीकृत समाजवादीका अध्यक्ष माधवकुमार नेपालबीच शुक्रबार बिहान छलफल भएको छ।

प्रधानमन्त्रीकाे सरकारी निवास बालुवाटारमा सत्ता गठबन्धनका तीन शीर्ष नेताबीच संघीय तथा स्थानीय चुनाव गर्नेबारे बिहान एक घण्टाजति छलफल भएको हो।

निर्वाचन आयोगले आगामी वैशाख २२ गते स्थानीय तहकाे निर्वाचन गर्नेगरी मिति घोषणा गर्न दलहरूलाई दबाब दिइरहेका बेला सत्ता गठबन्धनका तीन नेताबीच छलफल भएको हो।

छलफलमा नेताहरूबीच निर्वाचनका विषयमा के कुरा भयो, जानकारी आइसकेको छैन।