४ चैत्र २०७८, शुक्रबार ०२:५४ बुधवार साप्ताहिक, नयाँबानेश्वर, काठमाण्डौं

निर्वाचन आचारसंहिताप्रति एमाले उपमहासचिव विष्णु रिमालको आपत्ति

४ चैत, काठमाडौं । प्रमुख प्रतिपक्षी दल नेकपा एमालेका नेताहरूले स्थानीय तह चुनावमा उम्मेदवार बन्ने जनप्रतिनिधिले मनोनयन दर्ता अघि नै राजीनामा दिनुपर्ने व्यवस्थाप्रति आपत्ति जनाएका छन् ।

निर्वाचन आयोगले बनाएको निर्वाचन आचारसंहिता अनुसार उम्मेदवार हुन चाहने जनप्रतिनिधिहरूले मनोनयन दर्ताअघि नै राजनीनामा दिनुपर्नेछ । आयोगले निर्माण गरेको यो प्रावधानप्रति एमाले नेताहरुले आपत्ति जनाएका हुन् ।

‘प्रधानमन्त्रीले चुनाव लड्दा पद खाली गर्नु पर्दैन । स्थानीय तहका पालिका अध्यक्ष वा मेयरहरूले भने चुनावमा जानुअघि पद खाली गरी जनतालाई दिनुपर्ने सेवा नै बन्द गर्नु पर्ने किन ?’ एमाले उपमहासचिव विष्णु रिमालले भनेका छन्, ‘निर्वाचनमा जाँदा पदको दुरुपयोग नहोस् भनेर सोच्नु पर्ला । तर, यसलाई देखाएर काम नै रोक्नु कसरी ठीक हुन्छ ?’

कुनै पनि सेवा अबरुद्ध नहोस भनेर अवधि सकिनु दुई महिना अघि चुनाव गर्नुपर्ने आयोगले गरेको कानुनी प्रावधान विपरित पद खाली गर्ने आचार संहितामा किन ? रिमालले प्रश्न गरेका छन् ।