१७ चैत्र २०७८, बिहीबार ०४:५२ बुधवार साप्ताहिक, नयाँबानेश्वर, काठमाण्डौं

ओली आज जुम्ला र कालिकोट जाँदै

१७ चैत, काठमाडौं । प्रमुख प्रतिपक्षी दल नेकपा एमाले का अध्यक्ष केपी शर्मा ओली आज जुम्ला र कालीकोट जाँदैछन् ।
त्यसका लागि ओली बुधबार साँझ नै नेपालगञ्ज पुगिसकेका छन् । बिहीबार बिहान हेलिकोप्टरमार्फत् ओली जुम्ला र कालिकोट जाने कार्यक्रम रहेको ओलीको सचिवालयले जनाएको छ ।

स्थानीय तहको निर्वाचन नजिकिँदै गर्दा देश दौडाहामा रहेका ओलीले आज जुम्लाको सिंजा र कालीकोटमा एमालेले गर्न लागेको चुनावी सभालाई सम्बोधन गर्ने कार्यक्रम छ ।

जुम्ला र कालीकोटबाट अन्य पार्टी परित्याग गरी धेरै नेता-कार्यकर्ता एमालेमा प्रवेश गर्न लागेका एमाले जुम्लाले जनाएको छ । उनीहरुलाई ओलीले पार्टी प्रवेश गराउने कार्यक्रम छ ।