२४ चैत्र २०७८, बिहीबार ०६:४२ बुधवार साप्ताहिक, नयाँबानेश्वर, काठमाण्डौं

मन्त्रिपरिषद बैठक बस्दै

२४ चैत,काठमाडौं । मन्त्रिपरिषदको नियमित बैठक आज बस्दैछ । दिउँसो ४ बजे बालुवाटारमा बस्ने गरी बैठक बोलाएको सूचना तथा सञ्चार मन्त्री ज्ञानेन्द्रबहादुर कार्कीले जानकारी दिएका छन् । मन्त्रिपरिषद बैठकले आगामी बैशाख ३० गते हुने स्थानीय निर्वाचनको निर्वाचन आचारसंहितालाई मध्यनजर गर्दै विभिन्न निणर्य र नियुक्तिहरु गर्ने बुझिएको छ ।

स्थानीय तह निर्वाचनको मतदान मितिभन्दा कम्तिमा ३५ दिन अघिबाट निर्वाचन आचारसंहिता लागू गर्ने गरिन्छ । निर्वाचन आचारसंहिता तयार भए पनि आयोगले उक्त संहिता लागू हुने मिति अझै तोकेको छैन ।

आयोगले चैत २५ अर्थात भोलि शुक्रबारबाट लागू हुने गरी आचारसंहिता जारी गर्ने तयारी अगाडि बढाएको छ । आचारसंहिता जारी भएपछि सरकारले नियुक्ति, सरुवा, बढुवालगायतका काम गर्न पाइने छैन । त्यसैले आज बस्ने बैठकले ठूलो संख्यामा नियुक्तिहरुको निणर्य गर्नसक्ने एक मन्त्रीले जानकारी दिएका छन् ।