१३ बैशाख २०७९, मंगलवार ०१:५९ बुधवार साप्ताहिक, नयाँबानेश्वर, काठमाण्डौं

उम्मेद्वारी दर्ता गराउनेको संख्या एक लाख ४१ हजार नाघ्यो

१३ वैशाख,काठमाडौं । यहि बैसाख ३० गते हुने स्थानीय तह निर्वाचनका लागि विभिन्न पदमा एक लाख ४१ हजार ४६८ जनाको मनोनयन दर्ता भएको छ ।

निर्वाचन आयोगले बिहान १०:३० बजे सार्वजनिक गरेको तथ्यांक अनुसार एक लाख ४१ हजार ४६८ जनाको मनोनयन दर्ता भएको छ । वैशाख ३० गते स्थानीय तहको निर्वाचन हुँदै छ ।

आइतबार र सोमबार देशभरका स्थानीय तहमा स्थापना भएका निर्वाचन अधिकृतको कार्यालयमा उत्साहपूणर् रूपमा मनोनयन दर्ता भएका थिए । आज उम्मेदवारको विरोधमा उजुरी लिने कार्यतालिका छ ।

वैशाख १४ र १५ गते मनोयनपत्र जाँच तथा उजुरीमाथि जाँचबुझ र निणर्य दिने, वैशाख १५ गते मनोनयन भएका उम्मेदवारको नामावली प्रकाशन तथा वैशाख १६ गते उम्मेदवारको नाम फिर्ता तथा उम्मेदारको अन्तिम नामावली प्रकाशन गर्ने कार्यतालिका छ ।