३ जेष्ठ २०७९, मंगलवार ०२:१६ बुधवार साप्ताहिक, नयाँबानेश्वर, काठमाण्डौं

२४० स्थानीय तहको नजिता : कांग्रेस १०९, एमाले ६३ तहमा विजयी

३ जेठ, काठमाडौं । स्थानीय तह निर्वाचनको नजिता आउने क्रम चलिरहेको छ। अहिलेसम्म देशभरका २ सय ४० स्थानीय तहको अन्तिम नतिजा सार्वजनिक भइरहेको छ।

सार्वजनिक नतिजाअनुसार सबैभन्दा धेरै स्थानीय तहमा सत्तारुढ नेपाली कांग्रेस विजयी भएको छ।

कांग्रेसले अहिलेसम्म १ सय ९ स्थानीय तहमा जित निकालेको भने १ सय ९५ स्थानीय तहमा अग्रता कायम राखेको छ।

नेकपा एमाले दोस्रो स्थानमा छ। अहिलेसम्म एमाले ६३ स्थानमा विजयी भएको छ भने १ सय ३५ स्थानीय तहमा अगाडि छ।

सार्वजनिक परिणाम अनुसार अर्को सत्तारुढ दल नेकपा माओवादी केन्द्र तेस्रो स्थानमा छ।

माओवादी केन्द्रले अहिलेसम्म ५५ स्थानीय तहमा जित निकालेको छ भने ६२ स्थानीय तहमा अग्रता कायम राखेको छ।

त्यसैगरी एमालेबाट विभाजित भएर बनेको नेकपा एकीकृत समाजवादी अहिलेसम्म ४ स्थानीय तहमा विजयी भएको छ भने १४ स्थानीय तहमा अघि छ।

जसपाले अहिलेसम्म २ स्थानीय तहमा जित निकालेको छ भने ३० स्थानीय तहमा अघि छ।

स्वतन्त्र उम्मेदवारले अहिलेसम्म ४ स्थानीय तह जितेका छन्। शुक्रबार भएको निर्वाचनको मतगणना शुक्रबार रातिदेखि सुरु भएको थियो।