२५ जेष्ठ २०७९, बुधबार ०४:४७ बुधवार साप्ताहिक, नयाँबानेश्वर, काठमाण्डौं

तीन महिना सडक नखन्न सरकारको निर्देशन

२५ जेठ, काठमाडौं । सरकारले बर्षायाममा सडक खन्न रोक लगाएको छ । आर्थिक बर्ष सुरु भएदेखि ११ महिना काम नगर्ने र असारमा बजेट सक्न सडकदेखि विभिन्न विकासका काम गर्ने क्रम बढेपछि सडक विभागले अब असारदेखि भदौसम्म सडक खन्न रोक लगाएको हो ।

सडक विभागले बुधबार सार्वजनिक सूचना जारी गरेर १ असारदेखि भदौ मसान्त अर्थात् आगामी तीन महिना सडक खन्‍न स्वीकृति नदिने भनेको हो ।

‘वर्षायाममा धारा, ढल, बिजुली, टेलिफोन आदि प्रयोजनका लागि सडक खन्दा तत्काल मर्मत सम्भार गर्न नसकिने र सडक पनि थप बिग्रँदै जाने भएको असार १ गतेदेखि भदौ मसान्तसम्म यस कार्यालय अन्तर्गतका सडक डिभिजन मातहत रहेका कुनै पनि सडक खन्‍ने स्वीकृति नदिइने,’सूचनामा भनिएको छ ।

कसैले जबर्जस्ती सडक खनेमा सार्वजनिक सडक ऐन २०३१ अनुसार कारबाही गरिने चेतावनी दिइएको छ ।