२५ जेष्ठ २०७९, बुधबार ०६:४७ बुधवार साप्ताहिक, नयाँबानेश्वर, काठमाण्डौं

अमेरिकी सेनाका प्रशान्त क्षेत्रीय कमाण्डका उच्च अधिकारी काठमाडौं आउँदै

२५ जेठ, काठमाडौं । एमसीसी सम्झौता संसदबाट अनुमोदन भएसँगै अमेरिकी उच्च अधिकारीहरूको नेपाल आगमन बाक्लिरहेका बेला अर्को महिना अमेरिकी उच्च पदस्थ सैनिक अधिकारी काठमाडौं आउँने भएका छन् ।

प्रधानमन्त्री शेरबहादुर देउवा र प्रधान सेनापति प्रभुराम शर्माको अमेरिका भ्रमणको तयारी भइरहेका बेला अमेरिकी सेनाको प्रशान्त क्षेत्रीय कमाण्डका जनरल चार्ल्स ए फ्लायन नेपाल आउँन लागेको नेपाली सेनाले पुष्टि गरेको छ ।

सैनिक जनसम्पर्क निर्देशनालयका अनुसार असार अन्तिम साता अमेरिकी सैनिक अधिकारी नेपाल भ्रमण आउँन लागेका हुन् । यसअघि अमेरिकी उपविदेश मन्त्री नेपाल भ्रमण गरेर फर्किएकी थिइन् ।