२५ जेष्ठ २०७९, बुधबार ०७:५५ बुधवार साप्ताहिक, नयाँबानेश्वर, काठमाण्डौं

सरकारलाई भट्टराईको प्रश्न : मल खोज्न गएका कृषिमन्त्री फर्किए कि भारतमै निर्वासित भए ?

२५ जेठ, काठमाडौँ । प्रमुख प्रतिपक्षी दल नेकपा एमालेका सांसद योगेशकुमार भट्टराईले रासायनिक मल अभावले किसान पीडामा परिरहेका बेला पाँच दलीय गठबन्धन सरकार रमिते बनेको बताएका छन् ।

विनियोजन विधेयक, २०७९ विभिन्न शीर्षकहरूमा प्रतिनिधिसभामा जारी छलफलका क्रममा बुधबार सहभागी कृषि मन्त्रालयको कार्यक्रमबारे बोल्दै भट्टराईले सरकारमाथि प्रश्न उठाएका छन् । धान, मकैसहितका बर्खे बालीका लागि आवश्यक मल ल्याउन नसकेको सरकारले त्यसमै माल खोजिरहेको आरोप लगाए छन् ।

उनले मलको अभाव भइरहेका बेला कृषिमन्त्री नै गायब भएको बताएका छन् । रासायनिक मल खोज्न कृषिमन्त्री भारततिर गएका छन् भन्ने हामीले सुनेका छौं’ उनले थपे, मल खोज्न गएका कृषिमन्त्री उतै पो निर्वासित हुने हुन् किन भन्ने भएको छ । यो सरकारले मल ल्याउन खोजेको छैन । मलमा माल खोजेको छ’ उनले भने, सरकारले माल नबुझेसम्म मल आउँदैन ।