४ असार २०७९, शनिबार १२:५३ बुधवार साप्ताहिक, नयाँबानेश्वर, काठमाण्डौं

धादिङका किसानले ट्रक कब्जा लिएर ‘खोसे’ रासायनिक मल

४ असार, काठमाडौं । धादिङको धार्केमा स्थानीयले ट्रकबाटै रासायनिक मल खोसेका छन् । काठमाडौ जाँदै गरेका दुई वटा ट्रक रोकेर स्थानीय किसानले रासायनिक मल खोसेर लगेको विवरण प्राप्त भएको धादिङका प्रहरी नायब उपरीक्षक जागेश्वर भण्डारीले जानकारी दिए । घटनाको विस्तृत विवरण आइसकेको छैन ।

ट्रकमा रहेको मल सबै प्रक्रिया पूरा गरेर काठमाडौ लगिँदै थियो या कर छलिको थियो भन्ने विषयमा अनुसन्धान भइरहेको डीएसपी भण्डारीले बताए । सामाजिक सञ्जालमा सार्वजनिक भएको भिडिओमा स्थानीयले ट्रकबाट मल खोसिरहेको र सशस्त्र प्रहरीले हस्तक्षेप गरेको देखिएको छ ।