२० असार २०७९, सोमबार ०६:३१ बुधवार साप्ताहिक, नयाँबानेश्वर, काठमाण्डौं

एमाले अध्यक्ष ओलीले आज संसदलाई सम्बोधन गर्ने

२० असार, काठमाडौँ । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले आज प्रतिनिधि सभा बैठकलाई सम्बोधन गर्ने भएका छन् ।

समसामयिक विषयमा दलको धारणा राख्न सभामुखसँग समय माग गरिएको नेकपा एमालेका प्रमुख सचेतक विशाल भट्टराईले जानकारी दिएका छन् । उनले एसपीपीलगायतका समसामयिक विषयमा अध्यक्षले संसदमा धारणा राख्ने बताए ।

अमेरिकी स्टेट प्रोग्राम पार्टनरसिप (एसपीपी) मा सहभागी हुन नेपाली सेनाले ओली सरकारकै पालामा पत्राचार गरेको सार्वजनिक भएको थियो । तर ओलीले भने पत्रको वैधानिकतामाथि नै प्रश्न उठाउँदै आएका छन् ।