६ श्रावण २०७९, शुक्रबार १२:४८ बुधवार साप्ताहिक, नयाँबानेश्वर, काठमाण्डौं

काँग्रेस केन्द्रीय विभागमा न्यायाधीश रहेको ओलीको दाबी

६ साउन, काठमाडौं । एमाले अध्यक्ष केपी शर्मा ओलीले काँग्रेसको केन्द्रीय विभागमा न्यायाधीश नै रहेको बताएका छन् । सवै ठाउँमा काँग्रेस त छन् नि न्यायालयमा काँग्रेस छन् । काँग्रेसका केन्द्रीय विभागका प्रमुख श्रीमान न्यायाधीश छन् कि छैनन ? राजीनामा दिएको त सुनिएन, ओलीले भने, म भन्दिनँ कुन कुन परिवारका सदस्य भनेर ।

शुक्रबार एमाले नीति तथा अनुसन्धान प्रतिष्ठानको अन्तरक्रियामा पुर्व प्रधानमन्त्री समेत रहेका ओलीले वर्तमान सरकारले ल्याएको बजेट भ्रष्ट भएको टिप्पणी पनि गरे । ‘यो भ्रष्ट बजेट हो । फुटेज हटाउनु र ड्यामेज गर्नु नै पर्याप्त छैन र ? हल्लालाई बहस र बहसलाई हल्लामा परिणत गर्ने मेरो रुची छैन’, ओलीको भनाइ छ । ओलीले यति होल्डिङसलाई राजतन्त्रका पालामा दिएको र सुशिल कोइरालाका पालमा ट्रान्सफर गरेका भन्दै बचाउ गरे । ओलीले आफ्नो नेतृत्वको सरकारले विकास र निर्माणका सही नीति लिएको दावी समेत गरे ।

कार्यक्रममा नेकपा एमालेका वरिष्ठ उपाध्यक्ष ईश्वर पोखरेलले नीति तथा प्रतिष्ठानले गर्ने कामका बारेमा चर्चा गर्दै कम्युनिस्ट आन्दोलन तथा पार्टीले भविष्यमा लिने नीति र सरकारका कामकारवाहीबारे विश्लेषण गर्ने जानकारी दिएका थिए । त्यस्तै पुर्व अर्थमन्त्री समेत रहेका एमाले नेता युवराज खतिवडाले वर्तमान अर्थतन्त्रबारे समिक्षात्मक टिप्पणी गरेका थिए । उनले दक्षिण एसियामा नेपाल अर्थतन्त्रको हिसावले कहाँ छ र वर्तमान सरकारको क्रियाकलाप र अर्थतन्त्रका बारेमा प्रस्तुती दिएका थिए ।

उनले विगत दुई दशकको स्थिति हेर्दा सशस्त्र द्वन्द्वका कारण मुलुकका आर्थिक जुइना खुस्काएको तथा त्यसपछि ७२ को भुकम्प र कोभिडलगायतले पनि असर गरेको बताए ।