८ श्रावण २०७९, आईतवार ०६:५४ बुधवार साप्ताहिक, नयाँबानेश्वर, काठमाण्डौं

एउटै रुखमा झुण्डिएको अवस्थामा तीन किशोरीको शव फेला

८ साउन, झापा । झापामा एउटै रुखमा तीन किशोरी झुण्डिएको अवस्थामा मृत फेला परेका छन् । झापाको कचनकवल गाउँपालिका-५, पाठामारीको बेल्लेगाउँ नजिकैको सुनकोशी चिया बगानमा रहेको बयरको रुखमा तीन किशोरी झुण्डिएको अवस्थामा मृत्त भेटिएका हुन् ।

झुण्डिनेहरुमा पञ्चम गणेशकी १६ वर्षीया छोरी करिना, पुवालु गणेशकी १७ बर्षीया छोरी अञ्जली र वीरवल गणेशकी १६ वर्षीया छोरी कल्पनाको शव आइतबार बिहान साढे ७ बजे फेला परेको जिल्ला प्रहरी कार्यालय झापाले जानकारी दिएको छ ।

तीनै जना किशोरीहरु चिया बगानका श्रमिक थिए । आफैले काम गर्ने बगानमा उनीहरु झुण्डिएको अवस्थामा भेटिएका हुन् । ‘सामुहिक आत्महत्या’ हुनसक्ने भन्दै अनुसन्धान भइरहेको जिल्ला प्रहरी कार्यालयका प्रवक्ता डीएसपी वसन्त पाठकले जानकारी दिए । उनीहरु तीनै जना शनिबार दिउँसो घुम्न भनेर घरबाट हिंडेका थिए ।