२१ श्रावण २०७९, शनिबार ०५:५७ बुधवार साप्ताहिक, नयाँबानेश्वर, काठमाण्डौं

एक्लै लडन सकिन्न भन्ने सत्ता गठबन्धनको निष्कर्ष नै एमालेको विजयको आधार : नेम्वाङ

२१ साउन,दाङ । नेकपा एमालेका उपाध्यक्ष सुवास नेम्वाङले सत्ता गठबन्धन नै एमालेको विजयको आधार भएको बताउनु भएको छ।एमालेविरुद्ध गठबन्धन नगरी लड्न सकिँदैन भन्ने अवस्थामा पुग्नु नै एमालेको आधा विजय भएको नेम्वाङले बताउनु भयो।

यो दूषित गठबन्धन भएको आरोप लगाउँदै उहाँले एमाले जनताको विश्वास गरी मैदानमा उत्रिएको बताउनु भयो । उहाँले अहिले देशभरनिर्वाचनकेन्द्रित अभियान चलाएको पनि बताउनु भयो ।

प्रेस चौतारी दाङले शनिबार घोराहीमा आयोजना गरेको पत्रकार भेटघाटमा बोल्दै नेम्वाङले एमालेले आवश्यक परे गठबन्धन गर्नसक्नेतर दूषित गठबन्धन नगर्ने बताउनु भयो । अहिले विचार र सिद्धान्त नमिल्ने दलहरूबीच सत्ताका लागि मात्रै गठबन्धन भएकाले यो दूषितभएको नेम्वाङको भनाइ थियो ।