स्कुल विभागको पहिलो समूहको प्रशिक्षण सम्पन्न, आजबाट दोस्रो समूह
५ भदौ, काठमाडौं । काठमाडौं । नेकपा (एमाले) केन्द्रीय स्कुल विभागले शुरू गरेको कार्यकर्ताका लागि पार्टी स्कुल (बिषयगत प्रशिक्षण) पहिलो समूहको प्रशिक्षण सम्पन्न भएको छ ।
पार्टीका उपमहासचिव तथा विभागका प्रमुख प्रदीप ज्ञवालीले शनिवार पार्टी कार्यालय च्यासलमा कक्षामा सहभागीहरूका विभिन्न जिज्ञासाबारे स्पष्ट पार्दै पहिलो समूहको कक्षा समापन गर्नुभयो । उहाँले सहभागीहरूलाई प्रमाणपत्र वितरण गर्नुभयो ।
तीनदिने स्कुलको पहिलो समूहमा अखिल नेपाल किसान महासंघका कमरेडहरू सहभागी हुनुभएको थियो ।
उहाँहरूलाई महासचिव शंकर पोखरेलले पार्टीको मार्गदर्शक सिद्धान्त र जनताको बहुदलीय जनवाद विषयमा प्रशिक्षण दिनुभएको थियो भने उपमहासचिव तथा स्कुल विभाग प्रमुख प्रदीप ज्ञवालीले सिद्धान्त, कार्यक्रम र कार्यदिशा, स्थायी कमिटी सदस्य डा.राजन भट्टराईले कूटनीतिक सम्बन्ध र भूराजनीति, स्थायी कमिटी सदस्य खगराज अधिकारीले सङ्गठन निर्माण, व्यवस्थापन र परिचालन र स्थायी कमिटी सदस्य भानुभक्त ढकालले पार्टी र जनसङ्गठनबीचको अन्तर्सम्बन्ध विषयमा प्रशिक्षण दिनुभएको थियो ।
त्यसैगरी, स्कुल विभाग उपप्रमुख पार्टीका पोलिटव्यूरो सदस्य ईश्वरी रिजालले माक्र्सवादी दर्शन र सामाजिक रूपान्तरण, केन्द्रीय सदस्य रमेश वडालले स्थानीय निर्वाचनको समीक्षा र आगामी निर्वाचनको तयारी, अखिल नेपाल किसान महासंघका अध्यक्ष डा. प्रेम दंगालले किसान महासंघ र आगामी दिशा, सूचना प्रविधि विज्ञ अस्गर अलीले सूचना प्रविधिको प्रयोग र विभागका सदस्य वाईपी आचार्यले सूचना, सञ्चार र प्रविधिका विषयमा प्रशिक्षण दिनुभएको थियो ।
प्रशिक्षणको प्रभावकारिता कस्तो रह्यो भन्ने जान्नका लागि सहभागीहरूलाई स्कुल शुुरू गर्नु अघि र स्कुुल सकिएपछि विभिन्न प्रश्नावली वितरण गरी जाँच लिइएको थियो ।
स्कुलमा सहभागी किसान महासंघकी सचिव सरिता गिरी यादवले प्रशिक्षणबारे आफ्नो अनुभव सुनाउँदै यति गहन र महत्वपूर्ण प्रशिक्षण आफ्नो २०\ २५ बर्षको राजनीतिक जीवनमा नपाएको वताउनुभयो । उहाँले यस्ता प्रशिक्षण पार्टी राजनीतिमा आउँदै गरेका युवालाई अति महत्वपूर्ण हुने र त्यो तहसम्म विस्तार गर्नुपर्ने सुझाव दिनुुभयो ।
आज भदौ ५ गतेदेखि राष्ट्रिय युवा संघका युवाका लागि स्कुल सञ्चालन हुने छ ।
सम्बन्धित समाचार
- सत्ता गठबन्धन फेरिएकै दिन नेप्से परिसूचक ११७.७० अंकले बृद्धि
- बालुवाटारमा नयाँ गठबन्धनको बैठक जारी
- दुई वर्ष प्रचण्ड नै प्रधानमन्त्री, त्यसपछि ओली
- बालुवाटारमा प्रचण्ड र ओलीबीच एक घण्टा वार्ता
- हङकङमा टी-२० सिरिज खेल्ने १४ सदस्यीय टिम घोषणा
- राष्ट्रियसभाका अध्यक्षसहित २० सांसदको पदावधि आजदेखि सकिने
- भ्रष्टाचारमा मुछिएका माओवादी नेता पुरीले दिए पदबाट राजीनामा
- फर्जी हाजिरी गरेर १ लाख तलबभत्ता लिने चार शिक्षकविरुद्ध भ्रष्टाचार मुद्दा
- स्कारपियोले मोटरसाइकललाई ठक्कर दिँदा २ युवकको मृत्यु
- चितवनमा जनतासँग एमाले कार्यक्रम शुरु
- त्रिकोणात्मक टी–२० सिरिजमा आज नेपाल र नामिबिया भिड्दै
- राष्ट्रिय सभा अध्यक्ष माओवादीकै हुन्छ : जनार्दन शर्मा
Leave a Reply