९ भाद्र २०७९, बिहीबार ०९:२१ बुधवार साप्ताहिक, नयाँबानेश्वर, काठमाण्डौं

कीर्तिपुरमा पनि चल्यो डोजर, अवैध संरचना भत्काउन थालियो

९ भदौ, काठमाडौं । काठमाडौं महानगरपछि कीर्तिपुर नगरपालिकाले पनि अवैध संरचना भत्काउने अभियान थालेको छ

उक्त नगरका मेयर राजकुमार नकर्मीले नक्सा पासबिनाका अवैध संरचना भत्काउन थालेका हुन्।

मेयर राजकुमार नकर्मीका अनुसार वडा नं १० को नयाँ बजारमा नक्सा पास नभएको संरचना भत्काइएको हो।

नक्सा पासबिनै पर्खाल लगाएको भेटिएपछि नगरपालिकाले डोजर लगाएर भत्काएको हो।

यसपछि अभियानकै रुपमा नगरपालिकाभित्रका नक्सापासबिना बनेका संरचना हटाउन लाग्ने नकर्मीले बताए।

आजबाट सुरु भएको छ, उनले भने, हामीले अब नक्सापासबिनै तयार भएका संरचना हटाउन लाग्नेछौँ।

स्थानीयबासीले नगर प्रमुखको उक्त कदमको प्रशंसा गरेका छन्। बालेनभन्दा कम नभएको बताउँदै उनीहरुले यसअघि कसैले गर्न नसकेको काम नगरप्रमुख नकर्मीले गरेको बताए।

अहिलेको नगर प्रमुख राजकुमार नकर्मीले आँट गरेर राम्रो काम गर्नुभयो’, उनले भने, अन्य ठाउँमा पनि डोजर चलाउनुपर्छ। अनि मात्रै कीर्तिपुर नगर सुन्दर हुन्छ।

यसपछि अभियानकै रुपमा नगरपालिकाभित्रका नक्सापासबिनै बनेका संरचना हटाउन लाग्ने नकर्मीले बताए।

आजबाट सुरु भएको छ, उनले भने, ‘हामीले अब नक्सापासबिनै तयार भएका संरचना हटाउन लाग्नेछौँ।